🙋‍♂️ Präsident ade 🙋‍♂️

An der letzten GV 2020/21 war es soweit. Neue Kräfte übernahmen die Spitze des Vereins. Endlich junge Leute die etwas bewegen können. Unterstützt sie bitte.

Zu meinem Abschluss möchte ich mich nochmals herzlich bedanken für eure Unterstützung und Geduld während meiner Zeit als Präsident. Auch für die Präsente zum Abschied.

Auch für die Überraschung beim Trainingsweekend der 2. Liga-Mannschaft am letzten Abend. Als Abschied gab es einen Rap und einen Schnitzelbank.

Dr Rolli het, sisch nid zum glaube,

Sich s Präsi-Amt vom Petignat lo raube,

Jetzt tritt är ab, es isch zum chotze,

Denn mien mir d Halle sälber putze

Dass dr nägschti Värs au sitzt,

Wird am Rolli s Schwänzli gspitzt!

Es isch scho fascht gsi wie ne Säge,

Wo em Rolli s Härzli het afo bäbe,

Är het s Esthi kenneglehrt im Schluuch

Und das au no währendem Fasnachtsbruuch

Dass dr nägschti Värs au sitzt,

Wird am Rolli s Schwänzli gspitzt!

E Zigaare dört, e Rümmli do

Das macht dr Rolli bsunders froh,

Am Fritig zobe im Jägerstübli

Längt är dr Jasmin fräch ans Füdli

Dass dr nägschti Värs au sitzt,

Wird am Rolli s Schwänzli gspitzt!

Är het nid nur gärn ein im Gool

Zwüsche de Pföschte ischs ihm au sehr wohl,

Mit 52, sisch kuum zum glaube

Heter imene 1.Liga Gegner viel Gool könne raube

Dass dr nägschti Värs au sitzt,

Wird am Rolli s Schwänzli gspitzt!

Är het au oft e Pfyffe im Muul (ka)

Dasses jetzt e jüngere macht findet är sehr cool (Danke Brüstle)

„Marco bloost ins Horn!“

Dass dr nägschti Värs au sitzt,

Wird am Rolli s Schwänzli gspitzt!

Die Händsche fürd Fiess die verstön mir nid

Dr Roll und s Esthi finde si dr gröschti Hit,

Dr Schäufi (dä Dubel) het dene miesse sage,

Dass me Händsche au an de Fiess ka trage!

Dass dr nägschti Värs au sitzt,

Wird am Rolli s Schwänzli gspitzt!

An dere Stell möchte mir dir härzlich Danke,

Und hoffe du duesch hüt zobe ordntlich mit uns ein tanke

Danke danke danke danke

Danke danke danke danke!!!

Schnitzelbangg

Rap

Handball isch e geile Sport

Danke

Roland